Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пакараныя смерцю два паплечнікі іракскага дыктатара 10:04, 15/01/2007
У панядзелак павешаныя яшчэ два былыя іракскія дзеячы, якія чакалі прывядзення прысуду ў выкананне. Пра гэта, як перадае РІА “Новости”, абвясціў пракурор на працэсе па справе экс-дыктатара Саддама Хусейна і яго паплечнікаў.
Па словах пракурора Мункіты аль-Фаруны, якія прыводзіць агенцтва Асашыэйтэд Прэс, пакаранне адбылося на досвітку. Назіраць за экзэкуцыяй ён накіраваў аднаго з сваіх суддзяў.
Пакараны зводны брат Хусейна, які займаў пры Саддаме пост кіраўніка ваеннай разведкі Ірака, – Барзан ат-Цікрыці, і Аввад аль-Бандар, былы старшыня іракскага рэвалюцыйнага суду.
Яны былі прысуджаныя да пакарання смерцю 5 лістапада мінулага года Вышэйшым іракскім трыбуналам разам з экс-прэзідэнтам Ірака Хусейнам за ўдзел у расправах над 148 жыхарамі іракскай вёскі Ад-Дуджэйль у 1982 годзе.
Саддама Хусейна пакаралі праз павешанне ў Багдадзе 30 снежня 2006 года. Пакаранне былога іракскага прэзідэнта выклікала бурныя пратэсты ў арабскім свеце і на Захадзе.
