Новы старшыня Еўрапарламента – Ганс-Герт Потырынг :: Хартыя'97 :: Навiны

Новым старшынёй Еўрапарламента ў аўторак у Страсбурзе абраны хрысціянскі дэмакрат, немец Ганс-Герт Потырынг. Галасаванне праходзіла шляхам падачы бюлетэняў па формуле “50% плюс адзін голас” з удзелам парламентарыяў з Румыніі і Балгарыі, прынятых у гэтую рэгіянальную арганізацыю 1 студзеня 2007 года.

З улікам 35 румынскіх і 18 балгарскіх парламентароў агульная колькасць дэпутатаў Еўрапарламента ўзрасла да 785 чалавек.

На пасаду старшыні прэтэндавалі чатыры кандыдаты, але рэальныя шанцы быць абраным былі толькі ў Потырынга, які раней займаў пасаду кіраўніка фракцыі Еўрапейскай народнай партыі – еўрапейскіх дэмакратаў (ЕНП-ЕД). Кандыдатуру Потырынга спачатку ўхваліла фракцыя сацыялістаў – другім пасля ЕНП-ЕД найбуйным палітычным аб’яднаннем у Еўрапарламенце.

Потырынг змяніў на пасту старшыні Еўрапарламента прадстаўніка сацыялістаў гішпанца Хасэпа Барэля, які быў абраны на гэтую пасаду ў 2004 годзе. Тады кіраўніцтвы абедзвюх партый, якія маюць большасць у Еўрапарламенце, дамовіліся, што іх прадстаўнікі будуць кіраваць па 2,5 года кожны.

Па паведамленнях СМІ, Барэль працягне дыпламатычную кар’еру і будзе прадстаўляць у АБСЕ Гішпанію, да якой перайшло старшынства ў гэтай рэгіянальнай арганізацыі.

Еўрапарламентары таксама абралі 14 намеснікаў кіраўніка Еўрапарламента, перадае РІА “Новости”.