Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менск прыбыла новая амбасадарка Францыі 18:29, 16/01/2007
16 студзеня ў Менск прыбыла новая амбасадарка Францыі ў Беларусі Мірэй Мюсо.
Нагадаем, што паўнамоцтвы папярэдняга амбасадара – Стэфана Шмелемеўскага – мінулі 22 снежня 2006 года. М.Мюсо была прызначаная на гэтую пасаду ў канцы снежня.
М.Мюсо нарадзілася 28 студзеня 1945 года. Мае чын паўнамоцнага міністра 2-га класа. Працавала віцэ-консулам і трэцім сакратаром у амбасадзе Францыі ў Грэцыі, у цэнтральнай адміністрацыі ў Францыі, другім сакратаром у амбасадзе ў Аўстрыі, другім дарадцай у пастаяннай камісіі Францыі ў Поўнача-Атлантычнай радзе ў Брусэлі, амбасадарам Францыі ў Грузіі і дырэктарам архіваў у цэнтральнай адміністрацыі. М.Мюсо валодае нямецкай, ангельскай, грэцкай і расейскай мовамі. Мае дыпломы аб вышэйшай адукацыі па філалогіі, аб заканчэнні Інстытута палітычных навук, аб вышэйшай спецыяльнай адукацыі ў галіне абароны і дыпломы Нацыянальнай школы ўсходніх моў. З’яўляецца кавалерам нацыянальнага ордэна “За заслугі” і кавалерам ордэна Ганаровага легіёна, перадае БелаПАН.
