Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Грэф засмучаны, што інтэграцыя Расеі і Беларусі «стаіць на месцы» 12:58, 17/01/2007
Кіраўнік Мінэканамразвіцця РФ Герман Грэф канстатуе адсутнасць зрухаў у інтэграцыйным працэсе паміж Расеяй і Беларуссю. “Праблема ў тым, што з Беларуссю ў нас не рынкавыя адносіны. Але самае сумнае не гэта, а тое, што не ідуць інтэграцыйныя працэсы і не выконваюцца міждзяржаўныя пагадненні”, – адзначыў міністр, падчас выступу ў сераду ў Дзярждуме ў рамках урадавай гадзіны, перадае “Інтэрфакс”.
Паводле слоў палітыка, для стварэння “саюзнай дзяржавы” трэба прыняць як мінімум сумесны канстытуцыйны акт. Яго павінны распрацаваць парламенты дзвюх краін, але яго падрыхтоўку спыніў Лукашэнка.
Акрамя таго, па словах міністра, неабходны пераход на адзіную валюту, але яшчэ ў 2004 годзе Лукашэнка сказаў, што Менск не гатовы да пераходу на адзіную валюту, хоць планавалася яе ўвесці з 1 студзеня 2005 года.
Грэф таксама адзначыў неабходнасць адзінай рэгулятыўнай эканамічнай прасторы, бо цяпер яна не сінхранізаваная. У прыватнасці, паводле яго слоў, супраць расейскіх тавараў у Беларусі дзейнічае 59 абмежаванняў. Грэф зазначыў, што ў рамках нядаўна дасягнутых дамоўленасцяў Беларусь неўзабаве мусіць адмяніць усе гэтыя абмежаванні.
