Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі самазабойства салдат у войску – закрытая тэма 10:01, 18/01/2007
Міністэрства абароны Беларусі не публікуе звесткі і падрабязнасці пра самазабойствы ў войску, паведамілі ў сераду “Інтэрфаксу” ў Мінабароны. “З сацыялагічных дадзеных вынікае, што пасля публікацыі дадзеных пра суіцыды, значна ўзрастае колькасць такіх здарэнняў”, – распавялі суразмоўцы агенцтва. “Таму дадзеныя па суіцыдах у нас закрытыя”, – адзначылі вайскоўцы.
Яны таксама паведамілі, што “катэгарычна забароненая публікацыя дадзеных пра суіцыды ў вайсковых сродках масавай інфармацыі”. “У 1998 годзе ў расейскай газеце “Красная звезда” былі апублікаваныя дадзеныя пра суіцыды ва Узброеных сілах Расеі. Адразу пасля гэтага, на парадак узрасла колькасць суіцыдаў сярод вызначанай катэгорыі”, – адзначылі ў беларускім Мінабароны.
Паводле дадзеных вайскоўцаў, за 2006 год колькасць суіцыдаў ва Узброеных сілах скарацілася на 50%. У Мінабароны заявілі, што “выпадкі суіцыду ў войску адзінкавыя”.
