Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Будаўніцтва менскага ГЦ «Сталіца» абышлося ў 97 млрд. рублёў 12:13, 18/01/2007
Будаўніцтва менскага падземнага гандлёвага цэнтра "Сталіца" абышлося ў 97 млрд. рублёў. Былі ўцянутыя пазыковыя сродкі "АСБ "Беларусбанк" і адкрытыя дзве валютныя крэдытныя лініі – на 30,5 млн. рублёў пад 6% гадавых і на 31,5 млн. рублёў пад 10% гадавых. З сакавіка ўпраўленне спажывецкага рынку пачне выплату працэнтаў і пагашэнне доўгу па крэдыце. Цалкам крэдыт вернуць да 2016 года. У бюджэце горада таксама ўзятая пазыка, якае складае 11 млрд. рублёў.
Цяпер у арэнду здадзена 67% плошчы, або 55 памяшканняў. Усяго ў "Сталіцы" пабудавана 66 памяшканняў пад аб’екты гандлю, паслуг, грамадскага харчавання, а таксама забаўляльны цэнтр. У цэнтры адчыненыя фірмовыя крамы Менскага завода ігрыстых вінаў, завода "Крышталь", прадпрыемстваў "Элема", "Серж", "Белвест" і іншых – усяго 17 крам. Рыхтуюцца да адкрыцця крамы кандытарскіх фабрыкаў "Спартак" і "Коммунарка". Агульная плошча ГЦ "Сталіца" складае 47 тыс. кв. м, з якіх 22 тыс. кв. метраў – гандлёвыя. Стаўка арэнднай платы – ад 30 еўра за кв. метраў у месяц для прадпрыемстваў рознічнага гандлю і да 150 еўра – для банкаў і забаўляльнага цэнтра. Гэтыя паказчыкі меншыя, чым у такіх гандлёвых цэнтрах, як "Еўропа" і "Паркінг".
