Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
АГП прапануе рыхтавацца да гадавіны прэзідэнцкіх выбараў 10:18, 22/01/2007
Намеснік старшыні Аб’яднанай грамадзянскай партыі Ігар Шынкарык, падчас каментару пра сітуацыю з падрыхтоўкай да Кангрэса дэмакратычных сілаў, выказаў асцярогу, што за арганізацыйнымі працэсамі ў цені застаецца гадавіна прэзідэнцкіх выбараў.
– Пакуль гэтую тэму на Палітрадзе аб’яднаных дэмакратычных сілаў паднімае толькі АГП. Нашая прапанова двухмесяцовай даўнасці выкарыстаць палітычную кампанію “мясцовыя выбары” для мабілізацыі людзей пад пасланнем “Вяртаемся на плошчу Каліноўскага 19 сакавіка 2007 года”, растала ў словах. Калі называць рэчы сваімі імёнамі, то суб’екты кааліцыі дэ-факта заблакавалі дадзеную ініцыятыву. Палітрада марна патраціла час, пытанне застаецца. І калі асобныя лідэры забылі пра 19 сакавіка, то гэтая дата застаецца ў календары і памяці дзесяткаў тысяч людзей. Неабходныя экстраныя меры, каб выправіць сітуацыю. Для гэтага трэба тэрмінова ствараць аргкамітэт альбо працоўную групу, – лічыць Ігар Шынкарык.
