Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У КДБ была дапытаная моладзевая актывістка 18:30, 23/01/2007
22 студзеня раніцай моладзевай актывістке Юліі Гарачанковай патэлефанавалі з упраўленьня КДБ па Магілёўскай вобласьці, прадставіліся і запрасілі прыйсьці на размову. Дзяўчына адказала, што прыйдзе толькі па павестцы, і ў той жа дзень увечары павестка была ўручана. Моладзевай актывістке было прапанавана прыйсьці ў управу КДБ 23 студзеня ў 10 гадзінаў раніцы.
У прызначаны час разам з Юліяй Гарачанковай на размову ў КДБ прыйшоў праваабаронца Барыс Бухель, але яго не пусьцілі. Актывістка паведаміла ПЦ "Вясна", што размова тычылася нібыта нейкай кантрабанды наркотыкаў, выяўленай на варшаўскім цягніку, таму ў яе распытваліся пра яе апошнюю паездку ў Польшчу, калі гэта было, якім цягніком яна ехала і г.д. Супрацоўнік КДБ нават не пацікавіўся, што яна рабіла за мяжой. У гутарцы было зададзена толькі адно пытаньне, якое не тычылася вызначанай тэмы: пра стаўленьне Юліі да Расеі, да адносінаў паміж Беларусьсю і суседняй краінай. У адказ яна паціснула плячыма.
