Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сямашка спадзяецца вярнуць беларускім НПЗ былую прывабнасць 14:00, 23/01/2007
Беларусь мае намер стварыць прывабныя ўмовы для расейскіх нафтаздабыўных кампаній для перапрацоўкі сыравіны на беларускіх НПЗ, паведаміў “Інтэрфаксу” ў аўторак першы віцэ-прэм’ер урада Беларусі Уладзімір Сямашка.
“З расейскімі нафтаздабыўнымі кампаніямі мы практычна ўзгаднілі новую формулу, якая кампенсуе выдаткі мытнай пошліны на нафту”, – адзначыў У.Сямашка.
Паводле яго слоў, “нашы ўмовы будуць па-ранейшаму прывабныя для расейскіх кампаній”.
Віцэ-прэм’ер таксама паведаміў, што распачатыя ўрадам меры дазволілі зрабіць прывабным для нафтаперапрацоўнікаў унутраны рынак нафтапрадуктаў. Ён удакладніў, што дадзеныя крокі, звязаныя з паніжэннем акцызаў на нафтапрадукты, адменай абаротных падаткаў “у нейкай ступені цяжка адаб’юцца на бюджэце”. Разам з тым, паводле яго слоў, будзе знойдзены механізм, які дапаможа мінімізаваць гэтую праблему.
У.Сямашка таксама выказаў нязгоду з сцвярджэннем пра тое, што для беларускіх нафтаперапрацоўнікаў стаў невыгодным экспарт нафтапрадуктаў. “Заводы па-рознаму лічаць, але мы ўжо сёння выйшлі на формулу, якая дазваляе экспартаваць нафтапрадукты з станоўчай рэнтабельнасцю”, – сказаў першы віцэ-прэм’ер урада Беларусі.
