Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ван дэр Ліндэн пайшоў на трэці тэрмін 09:43, 23/01/2007
Рэнэ ван дэр Ліндэн аднагалосна пераабраны старшынёй Парламенцкай Асамблеі Рады Еўропы (ПАРЕ) на трэці гадавы тэрмін. Гэта адбылася на зімовай сесіі, што адкрылася ў панядзелак у Страсбурзе, паведамляе ІТАР-ТАСС.
Галоўным прыярытэтам сваёй дзейнасці на гэтай пасадзе ў гэтым годзе ён назваў правядзенне ў красавіку першых у гісторыі агульнаеўрапейскай арганізацыі спецыяльных дэбатаў пра сітуацыю з правамі чалавека і дэмакратыяй у краінах Еўропы. Гэтыя дэбаты будуць адпраўной кропкай для абмеркавання дадзенай тэмы нацыянальнымі парламентамі, а таксама для абмеркавання такіх праблем, як барацьба з расізмам і ксенафобіяй.
Рэнэ ван дэр Ліндэн мае намер таксама працягваць працу па прасоўванні міжкультурнага і міжканфесійнага дыялогу, умацаванні супрацоўніцтва з Еўрапарламентам, усталяванні партнёрскіх стасункаў з Расеяй і садзейнічанні працэсу дэмакратызацыі ў Беларусі. Кіраўнік ПАРЕ спадзяецца, што неўзабаве разгорнецца эфектыўная кампанія за ліквідацыю пакрання смерцю ў краінах, якія маюць статус назіральніка пры Радзе Еўропы, – у ЗША і Японіі.
Намеснікам старшыні ПАРЕ ад Расеі абраны старшыня камітэта Дзярждумы па міжнародных справах Канстанцін Касачоў.
