Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнка называе будаўніцтва АЭС выратаваннем Беларусі 10:20, 24/01/2007
Аляксандр Лукашэнка заяўляе, што будаўніцтва АЭС – гэта “выратаванне краіны” ва ўмовах пагрозы энергетычнай бяспецы. “Пытанне пра будаўніцтва АЭС сёння знятае, нам трэба раней і хутчэй пабудаваць два блокі АЭС. Гэта наша выратаванне”, – адзначыў Лукашэнка падчас нарады па пытаннях энергабяспекі краіны, паведамляе “Інтэрфакс” са спасылкай на Першы нацыянальны канал тэлебачання.
Па словах Лукашэнкі, калі казаць пра выбар партнёра для будаўніцтва АЭС, беларускі бок будзе працаваць з тым, хто прапануе лепшыя ўмовы.
“Хто прапануе лепшыя ўмовы, з тым мы і будзем складаць дамову аб будаўніцтве АЭС”, – сказаў кіраўнік дзяржавы.
Раней абмяркоўвалася магчымасць супрацоўніцтва ў справе будаўніцтва АЭС з расейскімі і французскімі кампаніямі.
Лукашэнка таксама даручыў перагледзець канцэпцыю энергетычнай бяспекі краіны. Падрыхтоўку новай канцэпцыі А.Лукашэнка даручыў старшыне прэзідыума Нацыянальнай акадэміі навук Міхаілу Мясніковічу.
