Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Міжнародная амністыя» пра свабоду слова ў Інтэрнэце 14:44, 25/01/2007
23 студзеня праваабарончая арганізацыя “Міжнародная амністыя” абвясціла пра намер удзельнічаць у шматбаковай дыскусіі з шэрагам кампаній, у тым ліку – «Google», «Microsoft» і «Yahoo!», іншымі няўрадавымі арганізацыямі, экспертамі і сацыяльна адказнымі інвестыцыйнымі фондамі. Яе мэта – пагадненне аб прынцыпах забеспячэння захоўвання правоў чалавека ў Інтэрнэце.
МА прывітала гэтую ініцыятыву, але папярэдзіла, што ўдзел у абмеркаванні не прымусіць яе спыніць прапагандысцкую працу супраць кампаній, якія ў згаворы з урадавымі ўшчамляюць правы чалавека, паведамляе інфармацыйнае агенцтва ПРИМА-News.
Арганізацыя таксама адзначыла, што паралельна з гэтай дыскусіяй будуць праходзіць перамовы аб заканадаўчых мерах (іх прапаноўваюць ЗША і іншыя краіны) па процідзеянні інтэрнэт-рэпрэсіям у глабальным маштабе.
Перамовы пачаліся пасля таго, як 60 тысяч чалавек уключыліся ў кампанію irrepressible.info. Гэтая кампанія асвятляе праблему пераследу інтэрнэт-карыстальнікаў у розных краінах свету, а таксама згавор такіх фірм як "Google", "Microsoft" і "Yahoo!" з кітайскімі ўладамі з мэтай абмежаваць доступ да інфармацыі ў сеткі.
, iнформэр
