Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Падліковая камісія Расеі правядзе «інвентарызацыю» ўсіх пагадненняў паміж РФ і Беларуссю 17:16, 25/01/2007
Дэпутаты Дзярждумы падтрымаюць прапанову Падліковай камісіі аб правядзенні інвентарызацыі гандлёва-эканамічных пагадненняў паміж РФ і Беларуссю. Пра гэта, як перадае карэспандэнт “Росбалта”, паведаміў журналістам старшыня думскага камітэта па справах СНД Андрэй Какошын у перапынку пашыранага паседжання Савета Дзярждумы, на якім абмяркоўваліся праблемы расейска-беларускіх узаемінаў.
“Відавочная неабходнасць больш глыбокай эканамічнай інтэграцыі, – адзначыў Какошын. – Не ўсе двухбаковыя пагадненні працуюць, патрабуецца пэўнае карэктаванне”.
Па словах кіраўніка камітэта, у будаванні “саюзнай дзяржавы” “шмат ужо зроблена, але шмат яшчэ наперадзе”. У прыватнасці, плануецца ратыфікацыя пагаднення аб уласнасці “саюза” РФ і Беларусі. Акрамя таго, дэпутаты выступаюць за павелічэнне саюзнага бюджэту “з акцэнтам на развіццё навукаёмістых тэхналогій”, адзначыў Какошын.
