Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія спартсмены заваявалі яшчэ тры медалі ў Турыне 13:04, 25/01/2007
Яшчэ тры медалі – два залатыя і адзін бронзавы – заваявалі беларускія спартсмены 24 студзеня на 23-й зімовай Універсіядзе ў Турыне (Італія), паведамляе БелаПАН.
Біятланістка Надзея Скардзіна першынствавала ў гонцы на 12,5 км з масавым стартам (вынік – 46 хвілін 50,7 сек.; 1 промах). Лыжнік Аляксандр Лазуткін быў лепшым у дуатлоне (7,5 кіламетраў класічным стылем і столькі ж свабодным – 36 хвілін 43,7 сек.). Вольга Васілёнак у жаночым дуатлоне (5+5 км) фінішавала трэцяй (27.12,6).
У агульным медальным заліку беларуская зборная знаходзіцца на чацвёртым месцы з 10 узнагародамі (6 залатых, 1 срэбная і 3 бронзавыя). Наперадзе Італія (8, 2, 2), Расея (7, 10, 8) і Паўднёвая Карэя (6, 8, 6).
