Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На заводах будуць адбывацца спаборніцтвы па энергазахоўванні 11:37, 25/01/2007
Прафсаюзы Беларусі павінны адыграць істотную ролю ў падвышэнні энергазахавання на прадпрыемствах, заявіў сёння журналістам старшыня Федэрацыі прафсаюзаў Беларусі Леанід Козік. Паводле яго слоў, актывісты прафсаюзаў павінны праводзіць агітацыйную працу на ўсіх прадпрыемствах краіны, размяшчаць агітацыйныя матэрыялы, а таксама праводзіць спаборніцтвы паміж прадпрыемствамі па падвышэнні энергазахавання.
“Сяброў прафсаюзаў у краіне каля 4 млн. Калі кожны зэканоміць хаць па кілаваце энергіі, то мы ўжо даможамся пэўнага выніку”, – адзначыў Леанід Козік.
Кіраўнік беларускіх прафсаюзаў падкрэсліў, што ФБП цалкам падтрымлівае ініцыятыву Лукашэнкі аб неабходнасці ўзмацнення кантролю над эканоміяй энергіі як рэакцыі на агрэсіўную энергетычную палітыку Расеі.
Пры гэтым Леанід Козік зазначыў, што пакуль энергазахавальныя магчымасці беларускіх прадпрыемстваў у цэлым значна саступаюць аналагічным паказчыкам у іншых еўрапейскіх краінах.
