Міжнародная Хельсінкская Федэрацыя заступілася за БХК :: Хартыя'97 :: Навiны

Упраўленне справамі Прэзідэнта Рэспублікі Беларусь апавясціла РГА “Беларускі Хельсінкскі Камітэт” (БХК), сябра Міжнароднай Хельсінскай Федэрацыі па Правах Чалавека (МХФ), пра скасаванне бестэрміновай дамовы арэнды офіса Камітэта і запатрабавала вызваліць памяшканне.

Амаль усе офісныя будынкі ў Беларусі знаходзяцца ў распараджэнні Упраўлення справамі Прэзідэнта, і НДА павінны “узгадняць” месца свайго размяшчэння з уладамі. Страта юрыдычнага адрасу недзяржаўнай арганізацыяй можа прывесці да яе ліквідацыі як юрыдычнай асобы.

БХК не мае запазычанасці па аплаце арэнднай платы і ў адпаведнасці з законам мае пераважнае права на падаўжэнне або перазаключэнне дамовы арэнды таго самага памяшкання. Больш за месяц Камітэт спрабаваў абараніць офіс, у якім ён зарэгістраваны і дзе дае прававую дапамогу насельніцтву з 1998 года, аднак поспехаў не было, нягледзячы на тое, што ў гэтым і іншых будынках ёсць свабодныя памяшканні.

У спецыяльна прынятай заяве Міжнародная Хельсінкская Федэрацыя заве нежаданне арэндадаўцы падоўжыць дамову “палітычна матываваным” і заклікаюць улады падоўжыць арэнду.

Страта юрыдычнага адрасу або рэгістрацыі ў Міністэрстве юстыцыі не паўплывае на чалецтва БХК у МХФ, – адзначаецца ў заяве.