Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Набывае моц новы закон «Аб барацьбе з карупцыяй» 11:46, 29/01/2007
Новы закон Беларусі “Аб барацьбе з карупцыяй” набывае моц 29 студзеня гэтага года, паведамілі “Інтэрфаксу” ў пракуратуры краіны. “Новы закон “Аб барацьбе з карупцыяй”, дзе істотна пашыраны пералік асоб, да якіх можа ўжывацца антыкарупцыйнае заканадаўства, набывае моц 29 студзеня”, – сказалі ў пракуратуры.
Там растлумачылі, што “закон пашырае пералік суб’ектаў карупцыйных правапарушэнняў. У якасці такіх дадаткова вызначаныя сябры “савета рэспублікі”, “нацыянальнага сходу”, дэпутаты мясцовых Саветаў дэпутатаў, кандыдаты ў прэзідэнты або ў дэпутаты”, удакладнілі ў пракуратуры.
Таксама ў пералік увайшлі прадстаўнікі кіроўнага звяна недзяржаўных арганізацый, выкладчыкі навучальных устаноў, медыцынскія працаўнікі, прадстаўнікі грамадскасці пры выкананні абавязкаў па ахове грамадскага парадку, барацьбе з правапарушэннямі, адпраўленні правасуддзя, дзяржаўныя службоўцы, якія здзяйсняюць дзейнасць, звязаную з непасрэдным задавальненнем патрэбаў, запытаў і запатрабаванняў насельніцтва.
Акрамя таго, суб’ектамі антыкарупцыйнага заканадаўства сталі “службовыя асобы замежных дзяржаў і міжнародных арганізацый”, паінфармавалі ў пракуратуры.
