Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Курапатах разламалі «лаву Клінтана» (фота) 17:47, 30/01/2007
Ва ўрочышчы Курапаты здарыўся чарговы акт вандалізму. Разламаны мэмарыяльны знак “Ад народу ЗША народу Беларусі дзеля памяці”, падараваны прэзыдэнтам ЗША Білам Клінтанам, паведаміла “Радыё Свабода”.
Курапаты наведаў другі сакратар амбасады ЗША ў Беларусі Стывэн Гілэн. “Мы лічым гэтае здарэньне вялікай трагедыяй. Гэтая лава была вельмі маленькай, але гэта быў вельмі важны сымбаль сяброўства паміж беларускім і амэрыканскім народамі. Гэта трагедыя”, -- сказаў дыпламат.
Сёньня ж ва ўрочышчы адбылася акцыя памяці – на месцы масавых расстрэлаў былі запаленыя сьвечкі. Адначасова падобныя акцыі прайшлі ў Расеі, яны прымеркаваныя да 70-й гадавіны 1937 году.
Пры ўваходзе ва ўрочышча супрацоўнікі спэцслужбаў у цывільным сёньня правяралі дакумэнты ўва ўсіх, хто прыйшоў узяць удзел у акцыі памяці.
Курапаты наведаў другі сакратар амбасады ЗША ў Беларусі Стывэн Гілэн
