Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Малады Фронт» гатовы аднавіць ганаровую варту ў Курапатах 11:27, 31/01/2007
У зьвязку з чарговым актам вандалізму ў нацыянальным нэкропалі Курапаты, арганізацыя “Малады Фронт” заявіла, што не пацерпіць ані далейшага зьдзеку з магілаў й памяці расстраляных ва ўрочышчы беларускіх грамадзянаў, ані злачыннае бязьдзейнасьці з боку міліцыянтаў, і гатова аднавіць ганаровую варту ў Курапатах уключна з аднаўленьнем намётавага лягеру абаронцаў урочышча.
“Малады Фронт” падкрэсьлівае, што нікому не дазволена зьдзеквацца з памяці тысячаў беларусаў, расстраляных камуністычнымі ўладамі ў 1937-38 гадах.
Нагадаем, што на днях, ва ўрочышчы Курапаты здарыўся чарговы акт вандалізму. Разламаны мэмарыяльны знак “Ад народу ЗША народу Беларусі дзеля памяці”, падараваны прэзыдэнтам ЗША Білам Клінтанам.
