Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дзяржаўныя СМІ будуць нас «мабілізоўваць» 15:39, 31/01/2007
Сродкі масавай інфармацыі, у тым ліку і рэгіянальныя, дапамагаюць дзяржаве ў развіцці прыярытэтных кірункаў яе дзейнасці. Пра гэта паведаміў журналістам першы намеснік начальніка галоўнага ідэалагічнага ўпраўлення Адміністрацыі прэзідэнта Рэспублікі Беларусь Аляксандр Слабадчук, які сёння ўдзельнічае ў выніковай калегіі ўпраўлення ідэалагічнай працы Гарадзенскага аблвыканкама.
Па яго словах, ідэалагічную працу немагчыма праводзіць эфектыўна без сродкаў масавай інфармацыі. Цяпер у СМІ аддаецца вялікая ўвага прыярытэтам, якія вызначае дзяржава: экспарт, жыллё, харчовая бяспека, здаровы лад жыцця, дэмаграфічная сітуацыя, сям’я, адукацыя, развіццё вёскі, навукаёмістыя тэхналогіі, а таксама выкананне дзяржаўных сацыяльных стандартаў. Спецыяльную ўвагу сёлета неабходна звярнуць на пытанні энергазахавання, рацыянальнага выкарыстання прыродных багаццяў.
Як адзначыў Аляксандр Слабадчук, “СМІ павінны мабілізаваць насельніцтва на рашэнне самых важных народнагаспадарчых задач, якія былі пастаўленыя на Усебеларускім народным сходзе”.
