Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менск прыбыў новы амбасадар Літвы 10:20, 01/02/2007
У Менск прыбыў новы амбасадар Літвы ў Беларусі Эдмінас Багдонас. Пра гэта паведамілі БелаПАН 1 лютага ў літоўскай дыпламатычнай місіі. Э.Багдонас быў прызначаны на гэтую пасаду 12 студзеня 2007 года дэкрэтам прэзідэнта Літвы Валдаса Адамкуса.
Э.Багдонас прафесійны дыпламат. Ён займаў розныя пасады ў Міністэрстве замежных спраў Літвы, быў амбасадарам у Італіі, а таксама дарадцам прэзідэнта Валдаса Адамкуса па міжнародных пытаннях.
Э.Багдонас афіцыйна пачне выконваць свае абавязкі пасля таго, як уручыць даверчыя граматы прэзідэнту Беларусі.
Дыпламат валодае васьмю мовамі: чэшскай, польскай, славацкай, сербахарвацкай, украінскай, рускай, ангельскай і італьянскай.
