Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У рэдакцыю газеты “Комсомольская правда в Беларуси” патэлефанаваў чытач: “У наваполацкай калоніі людзі спяць у калідорах, ложкаў у камерах не хапае. Спаць у калідоры дазваляюць тым, хто цішэйшы, хто асуджаны, напрыклад, па эканамічных артыкулах...”
Газета датэлефанавалася ў выпраўленчую калонію №10 Наваполацка.
– Так, колькасць у нас перавышае ліміт прыкладна на 500 чалавек, – прызналі ў выхаваўчым аддзеле калоніі. – Але ўсе яны забяспечаныя спальнымі месцамі! Праблемы былі, але мы паставілі дадатковыя ложкі ў жылых секцыях. Калі ідзе рамонт, які самі асуджаныя і выконваюць, тады яны спяць у іншых секцыях або ў ленінскіх пакоях...
– Гэта які пакой Леніна?
– Так, то бок не, гэта пакоі выхаваўчай працы. Там тэлевізар, газеты. Бывала, там спалі. Але цяпер усё ў парадку!
– Гэта значыць, людзей у калідорах няма?
– Уначы ў калідорах асуджаныя ёсць. Гэта начныя днявальныя з асуджаных. Яны днём спяць, а ўначы так, знаходзяцца ў калідорах. Але не спяць, а глядзяць за парадкам! Грошы за гэта атрымоўваюць! У іх у калідоры нешта накшталт паста: крэсла, стол.
