Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Барыс Жаліба: «Спрэчкі зь Беларусьсю кампрамэтуюць Расею» 15:57, 06/02/2007
Паводле доктара эканамічных навук Барыса Жалібы, Расею непакоіць ненадзейнасьць Беларусі як партнэра ў транзыце нафты.
“Канечне, Расея будзе старацца і стараецца стварыць шляхі дастаўкі нафты ў абыход. Гэта дарагі праект. Вядома, незадаволеная Беларусь, незадаволеная Польшча, паколькі яны згубяць сваю частку прыбытку як транзытныя краіны. Асноўныя нафтавыя плыні Расея можа скіраваць менавіта гэтым Балтыйскім нафтаправодам.
Можна зразумець і Расею. Спрэчкі зь Беларусьсю і Ўкраінай кампрамэтуюць яе як надзейнага пастаўніка нафты. У любы момант і тая ж Украіна, і тая ж Беларусь, ды іншыя краіны могуць павысіць тарыфы на пампаваньне нафты альбо газу. Гэта іхнае права. Але гэта таксама робіць сытуацыю для Расеі няўстойлівай”, -- заявіў эканаміст для “Радыё Свабода”.
Нагадаем, што расейская кампанія “Транснефть” паведаміла пра рашэньне будаваць экспартны трубаправод у абыход Беларусі. Гэта мусіць засьцерагчы Расею ад рызыкаў, якія ствараюць транзытныя дзяржавы.
