Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЕЗ лічыць пакаранне смерцю «жорсткім і антыгуманным» 11:59, 06/02/2007
Урад Нямеччыны (дзяржавы-старшыні ЕЗ) распаўсюдзіў дэкларацыю з нагоды правядзення Трэцяга сусветнага кангрэса супраць пакарання смерцю, які быў праведзены ў Парыжы 1–3 лютага.
“ЕЗ пацвярджае сваё нязменнае і актыўнае непрыманне пакарання смерцю”, – гаворыцца ў дакуменце. ЕЗ лічыць смяротны прысуд “жорсткім і антыгуманным пакараннем” і падкрэслівае, што пры любых акалічнасцях і пры любых умовах выступае супраць пакарання смерцю”.
Еўрапейскі Звяз з задавальненнем адзначае, што ў апошнія гады працягваецца тэндэнцыя ў бок адмены пакарання смерцю ў шэрагу дзяржаў свету.
У той час, сцвярджае ўрад дзяржавы-старшыні ЕЗ, смяротныя прысуды застаюцца распаўсюджанай з’явай на планеце. ЕЗ заклікае ўтрымацца ад іх вынясення і ўжыванні.
У прыватнасці “барацьба супраць тэрарызму не можа быць падставай або апраўданнем увядзення або аднаўлення пакарання смерцю”, – падкрэсліваецца ў дэкларацыі ўрада дзяржавы-старшыні ЕЗ.
Да дэкларацыі ЕЗ далучыўся шэраг краін, якія не ўваходзяць у Звяз, у прыватнасці Малдова і Украіна.
