Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мінюст пакуль не настойвае на ліквідацыі партыі камуністаў 13:55, 06/02/2007
Міністэрства юстыцыі Беларусі пакуль не будзе патрабаваць ліквідацыі Партыі камуністаў Беларускай (ПКБ), паведаміў на прэс-канферэнцыі ў Менску міністр юстыцыі Віктар Галаванаў. “Мы пакуль не ставім пытання аб ліквідацыі партыі”, – сказаў ён.
Пры гэтым міністр адзначыў, што “партыя ўвесь час баражыруе над безданню”, паведамляе “Інтэрфакс”.
Цяпер у Вярхоўным судзе Беларусі знаходзіцца пазоў Мінюста аб спыненні дзейнасці ПКБ.
У сувязі з гэтым міністр адзначыў, што “цягам доўгага часу партыя ігнаравала заканадаўства, адмаўлялася падаваць сведкі па колькасці сваіх сяброў, за што ёй было вынесенае пісьмовае папярэджанне”.
“Пасля гэтага ПКБ падала сведкі, якія не адпавядаюць рэчаіснасці – больш як дзвесце чалавек з спісу не з’яўляюцца сябрамі партыі, ёсць факты ўключэння ў спіс грамадзянаў, якія памерлі, і непоўнагадовых”, – сказаў міністр.
З свайго боку першы сакратар ПКБ Сяргей Калякін паведаміў, што, на яго думку, прэтэнзіі Мінюста “не маюць пад сабою юрыдычных падстаў”. Па яго словах, у яго ёсць ліст з міністэрства юстыцыі, дзе гаворыцца, што “з колькасцю ў партыі ўсё ў парадку”.
У той час лідэр партыі заявіў, што “гатовы да любога павароту падзей”.
