Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусы лічаць, што Расеі невыгоднае будаўніцтва Балтыйскага трубаправода 14:41, 07/02/2007
Генеральны дырэктар РУП “Гомельтранснафта “Дружба” Аляксей Касцючэнка лічыць павелічэнне магутнасцяў Балтыйскай трубаправоднай сістэмы невыгодным для расейскага боку.
“Гэта справа Расеі, але з пункту гледжання эканамічнасці, выгоды нашага маршруту гэта занадта хуткаспелае рашэнне”, – паведаміў А.Касцючэнка на прэс-канферэнцыі ў Менску. “Наш напрамак найбольш мэтазгодны, выгодны, экалагічна бяспечны”, – сказаў А.Касцючэнка і падкрэсліў, што ў пераабсталяванне транспартнай сеткі ўкладваецца штогод больш за 50 млн. даляраў. “Гэта – сістэма кантролю за якасцю і колькасцю нафты, будаўніцтва новых рэзервуараў, сучасныя японскія помпавыя станцыі. Страціць іх – не зусім лагічнае рашэнне”, лічыць А.Касцючэнка.
Разам з тым, па ацэнцы кіраўніка прадпрыемства “Гомельтранснафта “Дружба”, Расея можа рэалізаваць праект па нарошчванні магутнасцяў Балтыйскай трубаправоднай сістэмы на працягу 2–3 гадоў, паведамляе “Інтэрфакс”.
