Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Амбасадарка ЗША спадзяецца, што затрыманых актывістаў вызваляць 14:34, 07/02/2007
Амбасадарка ЗША ў Беларусі Карэн Сцюарт спадзяецца, што затрыманыя ў Менску актывісты арганізацыі “Малады фронт” будуць вызваленыя ў самы блізкі час. Пра гэта яна паведаміла журналістам сёння на адкрыцці Менскай міжнароднай кніжнай выставы-кірмашу.
“Затрыманні актывістаў выклікалі нашу глыбокую заклапочанасць”, – адзначыла дыпламатка. Яна паведаміла, што амбасада ЗША будзе працягваць заклікаць да таго, каб захоўваліся правы затрыманых і з імі абыходзіліся належным чынам.
Нагадаем, 27 актывістаў арганізацыі “Малады фронт” былі затрыманыя ўвечары 4 лютага на адной з прыватных кватэр Менска, дзе яны ўдзельнічалі ў паседжанні цэнтральнай рады арганізацыі. Затрыманне праводзілі супрацоўнікі АМАПа. Маладых людзей даставілі ва УУС Савецкага раёна сталіцы. Пасля складання пратаколаў усе, акрамя Зміцера Хведарука і Алега Корбана, былі вызваленыя. Упраўленнем КДБ па Менску і Менскай вобласці ў дачыненні Хведарука і Корбана была ўзбуджаная крымінальная справа па артыкуле 193-1 Крымінальнага кодэкса (дзейнасць ад імя незарэгістраванай арганізацыі).
