Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Голас Амерыкі» спыняе вяшчанне на расейскай мове 12:12, 07/02/2007
Сур’ёзныя змены ў працы радыёстанцыі “Голас Амерыкі” могуць адбыцца ў 2008 фінансавым годзе. Між іншым плануецца спыніць радыёвяшчанне на расейскай мове.
Па дадзеных Савета кіраўнікоў тэлерадыёвяшчання ЗША, у прэзідэнцкім праекце бюджэту на 2008 год прадугледжана павелічэнне выдаткаў на міжнароднае вяшчанне. Аднак “Голас Амерыкі” зменіць прыярытэты: больш актыўна будзе весціся праца на Кубу, Паўночную Карэю, Венесуэлу, а таксама для мусульманскіх слухачоў. Адначасова адбудуцца скарачэнні, якія закрануць шматлікія праграмы на ангельскай мове, а таксама на 12 іншых мовах.
Таксама плануецца скасаваць вяшчанне на грузінскай і ўзбекскай мовах, абмежаванні могуць закрануць і праграмы на ўкраінскай мове.
У выпадку, калі праект будзе ўхвалены, радыёпраграмы на расейскай мове больш не будуць выходзіць у эфір, аднак падрыхтоўка тэлевізійных перадач працягнецца, гаворыцца на вэб-сайце “Голасу Амерыкі”.
