Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі на аднаго жыхара прыходзіцца 2.1 тысячы кубаметраў газу 15:23, 08/02/2007
Каб задаволіць запатрабаванні аднаго жыхара краіны неабходна выкарыстаць 2,1 тысячы кубаметраў газу. Эфектыўнасць выкарыстання энергарэсурсаў у 2–3 разы ніжэйшая, чым у развітых краінах. Пра гэта, як паведамляе карэспандэнт ІА REGNUM, распавёў 8 лютага на прэс-канферэнцыі намеснік міністра эканомікі Беларусі Андрэй Тур. Паводле яго слоў, энергаспажыванне на аднаго чалавека ў Бельгіі, Аўстрыі і Нямеччыне складае 700–800 кубаметраў газу, у Паўночных краінах, як Швецыя і Фінляндыя – 1000 кубаметраў.
Тур адзначыў, што ў 1973–1974 гады сусветная эканоміка “сур’ёзна” адчула падвышэнне цэнаў на энергарэсурсы. “Адразу пачаўся вельмі сур’ёзны этап, звязаны з энергазахаваннем, пошукам эфектыўнасці выкарыстання вуглевадароднай сыравіны”, – сказаў ён. Пры гэтым ён не выключыў, што краіна будзе запазычваць перадавы досвед высокаразвітых краін у эканоміі энергарэсурсаў.
