Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Чарнамырдзін: «Расея не адзін год датавала эканоміку Беларусі» 10:31, 09/02/2007
Надзвычайны і паўнамоцны амбасадар Расейскай Федэрацыі ва Украіне Віктар Чарнамырдзін заклікаў Аляксандра Лукашэнку да цывілізаваных стасункаў. Пра гэта, як паведамляе карэспандэнт ІА “Росбалт–Украіна”, Чарнамырдзін распавёў на прэс-канферэнцыі ў Кіеве. Пры гэтым дыпламат нагадаў заяву прэзідэнта РФ Уладзіміра Пуціна пра тое, што “Расея не адзін год датавала эканоміку Беларусі”.
Каментуючы нядаўнюю заяву Лукашэнкі пра тое, што Беларусь будзе адэкватна рэагаваць на падвышэнне цаны на газ Расеяй і патрабаваць пяць млрд. кампенсавання за транзіт, Чарнамырдзін сказаў: “Ну, і што?! Няхай сабе Лукашэнка рэагуе. Гэта яго права. Але так не бывае – заяўляць пра гэта з трыбуны. Гэтае пытанне мусяць вырашаць спецыялісты. Што значыць – адэкватна хоча ён падвышаць?! Трэба разумець, што мы практычна скончылі пытанне пра тое, што трэба ўсё паставіць на свае месцы, гэта значыць, цалкам перайсці на рынкавыя стасункі. Гэта не палітычнае пытанне. Дарма ён пераводзіць яго ў палітыку”.
Амбасадар РФ ва Украіне таксама канстатаваў: “15 гадоў мы жывём у новым вымярэнні. Час ужо ўсё паставіць на свае месцы. Нічога дадумваць не трэба. Калі мы пачалі так жыць, то павінны выбудоўваць нармальныя, цывілізаваныя стасункі”.
