Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ПАРЕ разгледзіць сітуацыю ў Беларусі 14:22, 12/02/2007
Палітычная камісія Парламенцкай Асамблеі Рады Еўропы (ПАРЕ) разгледзіць у аўторак на паседжанні ў Парыжы сітуацыю ў Беларусі.
Плануецца, што еўрапарламентары прымуць рашэнне аб падрыхтоўцы асобнага даклада па сітуацыі ў Беларусі і прызначаць дакладчыка.
Падчас красавіцкай сесіі Асамблеі летась у ПАРЕ абмяркоўвалі даклад эстонскага парламентара Андрэаса Хэркеля. У прынятай па выніках дэбатаў рэзалюцыі Асамблея заклікала краіны, якія не з’яўляюцца сябрамі ЕЗ, далучыцца да санкцый, уведзеных на пачатку мінулага года Брусэлем у дачыненні вышэйшых беларускіх асоб. Еўразвяз у 2006 годзе на сустрэчы ў Люксембургу зацвердзіў на 12 месяцаў так званы “чорны спіс” афіцыйных прадстаўнікоў Беларусі, якім забараніў уезд у краіны ЕЗ. У спіс патрапіў 31 чалавек.
У сярэдзіне 90-х гадоў Рада Еўропы замарозіла Менску статус “спецыяльна запрошанага”.
У студзені 2007 года Беларусь наведаў старшыня ПАРЕ Рэне ван дэр Ліндэн, які паведаміў, што супрацоўніцтва Беларусі з Еўропай магчымае толькі пасля дэмакратызацыі краіны, у першую чаргу, – пасля вызвалення палітвязняў.
