Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Амбасадару Нямеччыны не дазваляюць сустрэцца з Казуліным 17:05, 13/02/2007
Ірына Казуліна абвергла паведамленне пра тое, што амбасадару Нямеччыны ў Беларусі Марціну Хекеру дазволілі спатканне з экс-кандыдатам у прэзідэнты лідэрам Беларускай сацыял-дэмакратычнай партыі (Грамада) Аляксандрам Казуліным, які адбывае пакаранне ў выпраўленчай калоніі “Віцьба–3”. Як распавяла БелаПАН жонка палітыка, дадзенае паведамленне стала вынікам недакладнага перакладу яе выступу ў Еўрапарламенце.
Як паведаміла І.Казуліна, выступаючы 8 лютага на сесіі Еўрапарламента ў Брусэлі, яна сказала, што “было б добрым знакам, калі б амбасадару Нямеччыны дазволілі сустрэцца з Аляксандрам Казуліным”. Аднак, па яе словах, у выніку перакладу ўмоўны лад выпаў з тэксту выступу, таму і была распаўсюджаная інфармацыя пра тое, што М.Хекеру нібыта дазволілі сустрэцца з А.Казуліным.
