Міністр абароны Беларусі возьме ўдзел у абароннай выставе ў Абу-Дабі :: Хартыя'97 :: Навiны

Міністр абароны Беларусі генерал-палкоўнік Леанід Мальцаў з 17 па 20 лютага будзе знаходзіцца ў Абу-Дабі (Аб’яднаныя Арабскія Эміраты), дзе адбудзецца выстава “Айдэкс–2007”, паведамілі “Інтэрфаксу” ў Міністэрстве абароны Беларусі.

“На запрашэнне віцэ-прэзідэнта і прэм’ер-міністра, міністра абароны Аб’яднаных Арабскіх Эміратаў, кіраўніка Дубая шэйха Махамада Бэн Рашэда Аль Мактума Л.Мальцаў возьме ўдзел у 8-й Міжнароднай абароннай выставе “Айдэкс–2007” ”, якая адбудзецца ў Абу-Дабі”, – паведамілі ў Мінабароны.

“Айдэкс–2007” (“IDEX–2007”) з’яўляецца адной з найбольш прадстаўнічых міжнародных выстаў узбраенняў, тэхналогій бяспекі. Выстава праходзіць раз у два гады і прызначаная для вайсковых спецыялістаў. Сёлета “Айдэкс–2007” плануе прыняць каля 50 тысяч наведвальнікаў, паведамілі ў міністэрстве.

Паводле інфармацыі арганізатараў, у выставе возьмуць удзел звыш тысячы экспанентаў з 50 краін. На выставе будуць разгорнутыя 35 нацыянальных павільёнаў. Чакаюць удзел звыш 100 афіцыйных дэлегацый, у тым ліку кіраўнікоў дзяржаў, міністраў абароны, начальнікаў генеральных штабоў, а таксама камандуючых відамі і родамі ўзброеных сілаў. Выстава гэтага года стане самай прадстаўнічай за ўсю гісторыю яе правядзення, паінфармавалі ў МА.

Там таксама паведамілі, што падчас выстаў будуць праводзіцца дэманстрацыйныя стрэльбы з розных відаў зброі, у тым ліку артылерыйскай і ракетнай. На спецыяльнай трасе будзе праведзена звыш 30 дэманстрацыйных паказаў вайсковай тэхнікі фірм з 10 краін.