Ці едзе Лукашэнка ў Кіеў? :: Хартыя'97 :: Навiны

Дата візіту беларускага прэзідэнта ва Украіну пакуль афіцыйна не абвешчаная. Па папярэдніх дадзеных украінскага боку, Аляксандр Лукашэнка павінен быў прыбыць у Кіеў 16–17 лютага. Аднак на заўтра ў беларускага кіраўніка ўжо запланаваныя мерапрыемствы.

Як паведамілі БелаПАН у Адміністрацыі прэзідэнта Украіны Віктара Юшчанкі, сёння з візітам у Кіеве знаходзіцца кіраўнік Адміністрацыі беларускага прэзідэнта Генадзь Нявыглас. Ён сустракаецца з кіраўніком сакратарыяту Адміністрацыі прэзідэнта Украіны Віктарам Балогам. Не выключна, што да вечара бакі вызначацца з датай візіту А.Лукашэнкі.

Варта адзначыць, што за час праўлення В.Юшчанкі, беларускі і ўкраінскі прэзідэнты сустракаліся толькі на самітах СНД. А візіт, які Віктар Юшчанка збіраўся нанесці беларускаму калегу год таму, так і не адбыўся.

Цяперашнія планы сустрэчы прэзідэнтаў больш пэўныя. Ужо адбыліся перамовы бакоў на ўсіх узроўнях (акрамя кіраўнікоў дзяржаў). Падрыхтаваны пакет дакументаў, у падпісанні якіх зацікаўленыя дзяржавы. Адным з найважнейшых лічыцца пагадненне, якое дазволіць забяспечыць транзіт украінскай электраэнергіі цераз Беларусь у Літву, Латвію і Польшчу. Такая магчымасць з’явіцца пасля будаўніцтва новых ліній электраперадачы ад Ровенскай АЭС да размеркавальнай падстанцыі ў Мікашэвічах.

Беларускі амбасадар ва Украіне Вялянцін Вялічка раней заяўляў БелаПАН, што візіт А.Лукашэнкі дазволіць стварыць задзел працы па ўзаемавыгодных для абаіх бакоў праектах на некалькі гадоў наперад. Па яго словах, прэзідэнты Беларусі і Украіны дамовіліся ў лютым, і цалкам не важна. Ці адбудзецца сустрэча на пачатку месяца альбо напрыканцы. “Галоўнае, каб мы дасягнулі дамоўленасцяў па найбольшай колькасці пытанняў”, – сказаў беларускі амбасадар.