Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расея і Беларусь уцягнуліся ў палітычную вайну 15:14, 15/02/2007
Сяргей Маркаў, дырэктар расейскага Інстытуту палітычных даследаванняў, выканаўчы дырэктар Асацыяцыі цэнтраў палітычнага кансультавання, пракаментаваў падвышэнне Беларуссю тарыфаў на прапампоўку расейскай нафты.
– Падвышэнне Беларуссю тарыфаў на прапампоўку расейскай нафты негатыўна адаб’ецца на супрацоўніцтве нашых краін. Цяпер мы ўцягнуліся ў нейкую палітычную вайну. Звязана гэта з розным разуменнем таго, як мы павінны будаваць нашы стасункі.
Расея выступае альбо за інтэграцыю ў саюзную дзяржаву, альбо за фармаванне мяккай канфедэрацыі накшталт Еўразвяза, альбо за асобнае існаванне. Аляксандр Лукашэнка дзейнічае па прынцыпу “рух усё, канчатковая мэта – нішто”, гэта значыць, нейкі прыярытэт беларускай эканоміцы, але без рэальнага руху у адказ. Таму цяпер надышоў час, калі бакі глядзяць, наколькі яны моцныя, наколькі яны залежаць адзін ад аднаго. Гэты перыяд зойме яшчэ нейкі час.
Пошук альтэрнатыўных шляхоў пастаўкі энерганосьбітаў, вядома, гэта варыянт вырашэння некаторых праблем, але гэта будзе каштаваць мільярды даляраў. Больш эфектыўна было б патраціць мільёны даляраў на ўсталяванне больш добрых эканамічных і палітычных стасункаў з іншымі краінамі, – заявіў Маркаў інтэрнэт-газеце LentaCom.Ru.
