Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Затрыманыя ўчора ў Менску актывісты вызваленыя 09:46, 15/02/2007
Затрыманыя ўчора ў Менску актывісты моладзевага крыла Партыі БНФ, адпушчаныя на волю. Пра гэта БелаПАН паведаміў лідэр арганізацыі Алесь Каліта. Нагадаем, што шасцёра моладзевых актывістаў, а таксама сябра Аб’яднанай грамадзянскай партыі Міхась Пашкевіч былі затрыманыя ўчора ўвечары падчас перфоманса на плошчы Якуба Коласа.
Як паведаміў БелаПАН затрыманы Франак Вячорка, яны раздавалі мінакам “валянцінкі” з запрашэннем прыняць удзел у акцыі 25 сакавіка, прысвечанай гадавіне стварэння Беларускай Народнай Рэспублікі. Сярод затрыманых быў малады чалавек, “апрануты” ў вялікае драўлянае сэрца, на якім напісана: “Я люблю Беларусь” і “У свабоднай Беларусі кахаць больш прыемна”. Затрыманых даставілі ў апорны пункт міліцыі Савецкага РУУС, перапісалі іх пашпартныя дадзеныя і ўзялі тлумачэнні. Адміністрацыйныя пратаколы не складаліся.
