Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лукашэнку больш не патрэбныя аграгарадкі 13:31, 16/02/2007
Аляксандр Лукашэнка раскрытыкаваў працу ўрада і кіраўнікоў абласцей па стварэнні і абсталяванні аграгарадкоў, адзначыўшы факты нерацыянальнага выкарыстання сродкаў, што выдзяляюцца на гэтыя мэты.
“Пры прыняцці праграмы (Дзяржаўная праграма адраджэння і развіцця вёскі) на вас, Сяргей Сяргеевіч, была ўскладзеная галоўная адказнасць – кантроль за выдаткаваннем сродкаў. Вы з рук вон дрэнна гэта робіце”, – заявіў А.Лукашэнка на нарадзе па пытаннях развіцця рэгіёнаў, малых і сярэдніх гарадоў, звяртаючыся да прэм’ер-міністра краіны Сяргея Сідорскага, паведамляе “Інтэрфакс”.
Звяртаючыся да ўрада і губернатараў, А.Лукашэнка запатрабаваў: “Не руйнуйце ўклад сяла, вёскі, якія ствараліся стагоддзямі”. “Было сказана расейскай мовай: будуйце, дабудоўвайце, ушчыльняйце, дзе ёсць месцы. Але не стварайце на голым месцы “пацёмкінскія вёскі”, – адзначыў прэзідэнт. “Сканцэнтруйце сродкі і будуйце як трэба”, – дадаў ён.
“Агіднасць. Распачынаем праграмы, вылучаем вялізныя фінансы, а вы іх там губіце”, – заявіў Лукашэнка.
