Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Камітэт дзяржкантролю узмоцніць кантроль за выкарыстаннем бюджэтных грошай 17:10, 19/02/2007
Камітэт дзяржаўнага кантролю Беларусі ў гэтым годзе працягне ўзмоцненыя праверкі выканання дзяржаўных праграм, і асаблівую ўвагу надасць кантролю за эфектыўным выкарыстаннем бюджэтных сродкаў, заявілі “Інтэрфаксу” у прэс-службе кіраўніка дзяржавы ў панядзелак па выніках дакладу Аляксандру Лукашэнку старшыні КДК Зянона Ломаця.
“Прэзідэнт ухваліў правядзенне праверкі выкарыстання бюджэтных сродкаў у Міністэрстве ўнутраных спраў. Цяпер вядзецца аналагічная праверка Міністэрства абароны”, – адзначылі ў прэс-службе кіраўніка дзяржавы.
У першым паўгоддзі, паінфармавалі ў прэс-службе, будуць таксама праведзеныя “комплексныя ўсёабдымныя праверкі кожнай вобласці рэспублікі”. “Прэзідэнт паставіў задачу, каб звесткі, атрыманыя ў выніку гэтых праверак, былі даведзеныя да кіраўніцтва ўсіх рэгіёнаў. Кіраўнік дзяржавы падкрэсліў, што ў працы КДК пры правядзенні праверак першым чынам трэба кіравацца прынцыпам справядлівасці”, – адзначылі ў прэс-службе.
У сваю чаргу З.Ломаць паведаміў, што ў гэтым году будзе ўзмоцненая праца па выяўленні лжэпрадпрымальніцкіх структур, якія не выплачваюць падаткі. Летась камітэтам праведзена 12,9 тыс. праверак, у бюджэт дзяржавы паступіла Br 319 млрд., даклаў кіраўнік КДК.
