Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Створанае Еўрапейскае агенцтва абароны асноўных правоў чалавека 11:02, 20/02/2007
Рашэнне аб заснаванні Агенцтва Еўрапейскага Звяза па пытаннях абароны асноўных правоў чалавека было прынятае на паседжанні Рады ЕЗ па пытаннях юстыцыі і ўнутраных спраў, якое адбылося 15 лютага.
Агенцтва заснаванае на базе Еўрапейскага маніторынгавага цэнтра па пытаннях расізму і ксенафобіі. Штаб-кватэра новай установы застанецца ў Вене.
Мэта Агенцтва – дапамога і экспертная падтрымка па пытаннях абароны асноватворных правоў чалавека. Агенцтва мае права падаваць свае заключэнні інстытутам і дзяржавам-сябрам ЕЗ аб сумяшчальнасці нормаў або мераў, накіраваных на імплементацыю права ЕЗ, з прынцыпамі асноватворных правоў чалавека. У сваіх заключэннях Агенцтва будзе кіравацца Хартыяй асноватворных правоў Еўрапейскага Звяза.
Акрамя таго, у функцыі Агенцтва ўваходзіць публікацыя агляду сітуацыі з захаваннем асноватворных правоў у ЕЗ і ўзорных практык у гэтай сферы.
