Працягваецца рост тарыфаў на платныя паслугі насельніцтву :: Хартыя'97 :: Навiны

Тарыфы на платныя паслугі насельніцтву ў студзені 2007 года зноў павялічыліся, паведамілі БелаПАН у Міністэрстве статыстыкі і аналізу рэспублікі. Больш за ўсё падаражалі паслугі жыллёва-камунальнай гаспадаркі. У студзені 2007 года іх рост у параўнанні з снежнем 2006 года склаў 12%, у параўнанні з студзенем 2006 года – 14,2%. У тым ліку электразабеспячэнне падаражала ў параўнанні з папярэднім месяцам на 20%, у гадавым вылічэнні на – 27,3%; газазабеспячэнне – на 20% і 27,2% адпаведна; водазабеспячэнне – на 7,6% і 9,3%. Тарыфы на ацяпленне павялічыліся ў параўнанні з снежнем на 14,3%, у параўнанні з студзенем 2006 года знізіліся на 3,7%. Тарыфы на паслугі па тэхнічным абслугоўванні жылых памяшканняў у параўнанні з мінулым месяцам не змяніліся, а ў гадавым вылічэнні павялічыліся на 25%.

У студзені аплата бытавых паслуг павысілася ў параўнанні з снежнем 2006 года на 1,2%, студзенем 2006 года – на 11,8%.

У студзені ў параўнанні з снежнем тарыфы на паслугі пасажырскага транспарту знізіліся на 0,3% , у гадавым вылічэнні на 16,3%. Тарыфы на паслугі сувязі ў параўнанні з мінулым месяцам не змяніліся, у гадавым вылічэнні павялічыліся на 3%.

Платныя паслугі ў сферы адукацыі падаражалі ў параўнанні з снежнем 2006 года на 1,1%, студзенем 2006 года – на 10,1%; культуры – на 0,1% і 4% адпаведна.

У гадавым вылічэнні паслугі пасажырскага транспарту павялічыліся на 16,3%, дашкольных устаноў – на 13,3%, турыстычныя паслугі – на 16,1%. У параўнанні з снежнем мінулага года тарыфы на гэтыя паслугі не значна знізіліся – на 0,3%, 0,2% і 1,1% адпаведна.