Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дэмакраты стварылі пагаджальную камісію 18:52, 22/02/2007
Сябры Палітычнай Рады дэмакратычных сілаў не вызначыліся з часам правядзення Кангрэса дэмакратычных сілаў. Пра гэта прэс-цэнтру Хартыі’97 паведаміў лідэр Партыі БНФ Вінцук Вячорка. З прапановай перанесці кангрэс на 2008 год сёння на чарговым паседжанні палітрады выступілі Еўрапейская Кааліцыя і арганізацыя “Малады Фронт”. Партыя БНФ працягвала настойваць на тым, што кангрэс трэба праводзіць у траўні гэтага года. Партыя камуністаў Беларуская і Саюз левых партый па-ранейшаму выступалі за неабходнасць праводзіць яго ў сакавіку. Старшыня АГП Анатоль Лябедзька прапанаваў рыхтаваць Кангрэс у працоўным парадку па тых пунктах, якія не выклікаюць спрэчак. Лідэр дэмакратычных сілаў Аляксандр Мілінкевіч гатовы ўдзельнічаць у Кангрэсе, але толькі ў тым выпадку, калі там будзе абірацца лідэр з шырокімі паўнамоцтвамі.
У сувязі з гэтым сёння было прынятае рашэнне стварыць пагаджальную камісію, у якую ўвойдуць прадстаўнікі розных палітычных партый і грамадскіх аб’яднанняў. Да суботы, 24 лютага, плануецца сабраць усе прапановы наконт таго, калі праводзіць кангрэс і ці варта яго праводзіць увогуле. Усе гэтыя прапановы і разгледзіць пагаджальная камісія.
