Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Мілінкевіч: «Я выступаю за кангрэс, які нас аб’яднае» 20:26, 22/02/2007
Палітычная Рада дэмакратычных сілаў сёння не вызначылася з датай і фарматам правядзення кангрэса. Было прынятае рашэнне аб стварэнні пагаджальнай камісіі, якая разгледзіць усе прапанаваныя варыянты. Паседжанне Рады і яе рашэнні каментуюць прэс-цэнтру Хартыі’97 лідэр дэмакратычных сілаў Аляксандр Мілінкевіч. “Я выступаю за кангрэс, да якога ёсць давер і які нас аб’яднае, а не раз’яднае. Сёння ў нас палова Палітычнай Рады за кангрэс, палова – супраць. Прагучалі розныя прапановы ад Еўрапейскай кааліцыі, партыі камуністаў, АГП, але ніводнае з іх не прайшло, не атрымала большасці галасоў. Мне бліжэйшы за ўсё варыянт, прапанаваны лідэрам Партыі БНФ Вінцуком Вячоркой – каб кангрэс прайшоў у траўні і ў ім узялі ўдзел не толькі цяперашнія дэлегаты, але і дэлегаты кангрэса 2005 года. І тады кангрэс будзе не толькі партыйным, бо вялізная колькасць дэмакратаў не з’яўляецца сябрамі партый. Я не бачу неабходнасці неўзабаве праводзіць кангрэс. Цяпер трэба засяродзіцца на святкаванні 25 сакавіка, а потым давесці справу кангрэса да канца”, – лічыць Аляксандр Мілінкевіч.
