Аляксандра Казуліна ўзнагародзілі прэміяй імя Юрыя Захаранкі :: Хартыя'97 :: Навiны

У Менску сёньня прайшло ўручэньне прэміі імя Юрыя Захаранкі -- зьніклага ў Беларусі ў 1999 годзе экс-міністра ўнутраных спраў. У гэтым годзе прэміяй узнагародзілі палітвязьня Аляксандра Казуліна. “Аляксандар Казулін варты ўзнагароды за 2006 год як чалавек, які кінуў выклік беларускаму рэжыму і не саступіў у сваёй барацьбе”, -- сказаў падчас уручэньня ўзнагароды праваабаронца Алег Волчак.

Прэмію імя Юрыя Захаранкі “З адкрытым забралам” штогод уручае арганізацыя “Абаронцы Айчыны”, якая аб’ядноўвае былых і дзейных супрацоўнікаў праваахоўных органаў. Раней прэміяй ушанавалі былога дэпутата, генэрала Валера Фралова і праваабаронцу Гары Паганяйлу.

Нагадаем, былы кандыдат на прэзыдэнта Аляксандр Казулін асуджаны на пяць з паловай гадоў зьняволеньня паводле абвінавачаньня ў арганізацыі акцыі пратэсту 25 сакавіка 2006 году.