Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Памочнік Пуціна: Чым менш транзітных дзяржаў – тым спакайней 13:07, 22/02/2007
Памочнік прэзідэнта РФ Сяргей Ястржэмбскі лічыць, што Расеі неабходна будаваць трубаправоды ў абыход такіх транзітных краін, як, напрыклад, Беларусь. “Чым менш будзе транзітных дзяржаў на шляху расейскіх энерганосьбітаў у Еўропу, тым лепш і для Расеі, і для Еўропы – і нам спакайней, і ім камфортней. Ад гэтага толькі падвысіцца агульная энергетычная бяспека”, – заявіў памочнік Пуціна ў інтэрв’ю “Российской газете”.
“Нас хочуць угаварыць, што не трэба будаваць нафта- і газаправоды, якія ідуць напроста да еўрапейскіх спажыўцоў. Упэўнены, такія трубаправоды ў вышэйшай ступені пажаданыя”, – сказаў ён.
Пракаментаваў Ястржэмбскі і спробы беларускіх улад наладзіць стасункі з Захадам.
“Заяўляць можна ўсё, што хочаш, гэта не значыць, што так яно адбудзецца насамрэч. Гэта ўжо пытанне да Захаду, ці гатовы ён прыняць Лукашэнку. І Захад, на маю думку, ужо сфармуляваў свой адказ. Гучыць ён не так, відаць, абнадзейліва, як таго хацеў бы Менск”, – сказаў памочнік прэзідэнта РФ.
