Богдан Барусэвіч: «Ёсьць шанец на зьмену сытуацыі ў Беларусі» :: Хартыя'97 :: Навiны

Старшыня Сэнату Польшчы Богдан Барусэвіч бачыць шанец на зьмену сытуацыі ў Беларусі. У ацэнцы Богдана Барусэвіча, шмат сьведчыць пра тое, што беларускія ўлады хочуць давесьці да нармалізацыі адносінаў з Польшчай. “Мы спадзяемся, што Аляксандар Казулін, які зьяўляецца палітычным вязьням, будзе вызвалены. У маёй ацэнцы, сытуацыя ў Беларусі пачынае мяняцца, галоўным чынам у сувязі з вострым канфліктам з Расеяй. Назіраем таксама сыгналы з боку ўлад Беларусі, што яны хацелі б нармалізаваць адносіны з Польшчай,” - заявіў Богдан Барусэвіч “Польскаму радыё”.

Тым ня менш старшыня Сэнату дадаў, што спачатку павінны адбыцца зрухі ў напрамку дэмакратызацыі жыцьця ў Беларусі й вызваленьня палітычных вязьняў.

Польскі палітык лічыць, што шанцам на зьмену сытуацыі ў краіне зьяўляецца канфлікт між Менскам і Масквою. У ягонай ацэнцы, дыктатура Аляксандра Лукашэнкі магла існаваць выключна ў сытуацыі падтрымкі з боку Расеі. Цяпер, калі гэтай падтрымкі няма, сытуацыя павінна памяняцца.

Нагадаем, што 21 лютага Сэнат (вышэйшая палата польскага парлямэнту) аднагалосна прыняў рэазлюцыю, якая заклікае да неадкладнага вызваленьня беларускага апазыцыянэра й экс-кандыдата на пасаду прэзыдэнта Беларусі Аляксандра Казуліна.