Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Агульны рэйтынг Іванова і Мядзведзева амаль дасягнуў пуцінскага 14:31, 23/02/2007
За апошні месяц трохі вырасла папулярнасць першых віцэ-прэм’ераў РФ Сяргея Іванова і Дзмітрыя Мядзведзева сярод расейцаў, паведамляе “Інтэрфакс” са спасылкай на вынікі апытання, праведзенага Аналітычным цэнтрам Юрыя Левады.
Калі ў студзені пра давер гэтым людзям заявілі адпаведна 15 і 14 адсоткаў апытаных, то ў лютым – 24% і 21% рэспандэнтаў. Рэйтынг прэзідэнта РФ Уладзіміра Пуціна таксама трохі вырас: у лютым 2007 года яму сталі давяраць 52 адсоткі расейцаў – на тры больш, чым месяц таму.
За межамі першай тройкі ў рэйтынгу даверу апынуліся кіраўнік МНС Сяргей Шайгу (16 адсоткаў), лідэр ЛДПР Уладзімір Жырыноўскі (10 адсоткаў), лідэр КПРФ Генадзь Зюганаў (9 адсоткаў), а таксама прэм’ер Міхаіл Фрадкоў, кемераўскі губернатар Аман Тулееў і маскоўскі мэр Юры Лужкоў (па шасці адсоткаў).
Між іншым, як паказала апытанне, 12 адсоткаў расейцаў цяпер не давяраюць увогуле нікому з расейскіх палітыкаў.
