Беларускія «дэпутаты» размаўлялі ў АБСЕ пра энергетыку :: Хартыя'97 :: Навiны

Беларусь не прымае аднабаковы дыктат вытворцаў альбо спажыўцоў энергарэсурсаў, заявіў намеснік старшыні “палаты прадстаўнікоў” “нацыянальнага сходу” Сяргей Забалотец падчас выступу ў Вене на шостай зімняй сесіі Парламенцкай асамблеі АБСЕ, паведамілі “Інтэрфаксу” ў прэс-службе МЗС Беларусі.

“Беларусь выступае за празрыстыя, зразумелыя і справядлівыя правілы гандлю энерганосьбітамі на еўрапейскім рынку”, – сказаў С.Забалотец.

“Мы не прымаем сітуацый, пры якіх становіцца магчымым аднабаковы дыктат вытворцаў або спажыўцоў энергарэсурсаў. Лічым, што выпрацоўка правіл павінна здзяйсняцца пры строгім і справядлівым уліку інтарэсаў усіх удзельнікаў рынку”, – заявіў ён.

Кіраўнік беларускай дэлегацыі, у прыватнасці, адзначыў, што перспектывы росту энергаспажывання, дынаміка кошту традыцыйных відаў энерганосьбітаў, а таксама катастрафічнае скарачэнне іх запасаў дыктуюць неабходнасць цеснага ўзаемадзеяння ўсіх удзельнікаў еўрапейскага энергетычнага рынку – краін-вытворцаў, транзітных краін і краін-спажыўцоў.

С.Забалотец падкрэсліў, што Беларусь, з’яўляючыся адной з ключавых краін транзіту расейскіх энерганосьбітаў у Еўрапейскі Звяз, вырабляе ўсе неабходныя крокі, каб гарантаваць стабільнасць, бяспеку і надзейнасць гэтага транзіту, а таксама імкнецца да развіцця дыялогу ў энергетычнай сферы з усімі партнёрамі без выключэння.

С.Забалотец таксама адзначыў, што з улікам залежнасці Беларусі ад імпарту энерганосьбітаў, дзяржава надае павышаную ўвагу пытанням энергаэфектыўнасці, энергазахавання і развіцця аднаўляных крыніц энергіі, а таксама вывучэнню перадавых тэхналогій па будаўніцтве атамных электрастанцый.