Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Народнаму паэту Беларусі Рыгору Барадуліну – 72 гады 11:48, 26/02/2007
24 лютага народнаму паэту Беларусі Рыгору Барадуліну споўнілася 72 гады. Свой дзень народзінаў Рыгор Барадулін сустрэў ў аддзяленьні рэанімацыі шпіталю Кіраўніцтва справаў прэзыдэнта.
Як распавяла “Радыё Свабода” жонка Валянціна Міхайлаўна, лекары паставілі дыягназ – пнэўманія з ускладненьнямі. Дзядзька Рыгор у прытомнасьці, але ягоны стан пакуль яшчэ цяжкі, дагэтуль трымаецца высокая тэмпература. Лекары кажуць, што ўжо крыху ёсьць паляпшэньне.
Рыгор Барадулін трапіў у шпіталь 22 лютага. У адзяленьне рэанімацыі наведнікаў не пускаюць. Да таго ж у шпіталі аб’яўлены каранцін па грыпу.
Імя Рыгора Барадуліна – у сьпісе намінантаў на атрыманьне Нобэлеўскай прэміі ў галіне літаратуры.
