Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мінпрыроды Беларусі падтрымлівае будаўніцтва АЭС 17:23, 26/02/2007
Міністэрства прыроды і аховы навакольнага асяроддзя Беларусі падтрымлівае будаўніцтва ў краіне АЭС, бо атамная энергія – “найбольш экалагічна чыстая крыніца энергіі”. Пра гэта, паводле карэспандэнта ИА REGNUM, паведаміў 26 лютага на прэс-канферэнцыі міністр Мінпрыроды Беларусі Лявонцій Харужык. Па яго словах, пры правільнай эксплуатацыі атамная энергетыка менш уплывае на навакольнае асяроддзе, чым гідраэнергетыка і ветраныя устаноўкі.
Да таго ж, як адзначыў Харужык, Беларусь не павінна аддаляцца ад агульнасусветных тэндэнцый. Сёння ва ўсім свеце атамная энергія з’яўляецца асноўным відам цеплавой і электрычнай энергіі. “Мы павінны пераразмеркаваць крыніцы атрымання энергіі, то бок фарміраваць энергетычны баланс не толькі за кошт прывазной энергіі – газу, мазута, але і атамнай энергіі”, – упэўнены міністр.
