Беларус Франц Клінцэвіч супраць падтрымкі Расеяй беларускай «абаронкі» :: Хартыя'97 :: Навiны

Сёння ў Пскове на пятым паседжанні пастаянна дзейнага семінара пры Парламенцкім Сходзе па пытаннях будавання “саюзнай дзяржавы” на тэму “Становішча і перспектывы вайсковага і вайскова-тэхнічнага супрацоўніцтва Рэспублікі Беларусь і Расейскай Федэрацыі у працэсе будавання “саюзнай дзяржавы” дэпутат дзяржаўнай Думы Расеі Франц Клінцэвіч паведаміў, што, “калі сёння беларускія прадпрыемствы не будуць рабіць пэўных шагоў, звязаных з мадэрнізацыяй пераўзбраення, то заказы для Міністэрства абароны Расеі будуць выконваць расейскія прадпрыемствы”.

“Цягам доўгага часу пасля развалу Савецкага Саюза мы вельмі мала ўдзялялі ўвагі вайскова-тэхнічнаму пераўзбраенню краіны, – сказаў ён у інтэрв’ю карэспандэнту “Псковинформбюро”. – І сёння выдатна разумеем, што палітычная сітуацыя ў свеце такая, што калі наша краіна хоча быць незалежнай, то павінна мець магчымасць абараняцца. Мы павінны разумець, калі праводзім пераўзбраенне, што неабходна ствараць такія ўмовы, пры якіх развіццё тэхнікі выкарыстоўвалася не толькі для вайсковых мэтаў, але і ў народнай гаспадарцы. Гэтага раней ніколі не было. Але калі сёння беларускія прадпрыемствы не будуць рабіць пэўныя крокі, звязаныя з мадэрнізацыяй пераўзбраення, то заказы для міністэрства абароны Расеі будуць выконваць расейскія прадпрыемствы. І тады чаму мы павінны аб’ектыўна развіваць эканоміку іншай дзяржавы?

Як бы мы палеміку не заводзілі, што мы адзіныя з Беларуссю, усё роўна там ёсць свая валюта, кіраўніцтва, праблемы. Іх значна больш, чым людзі думаюць. Супрацоўніцтва павінна быць узаемавыгодным. Нам трэба расставіць кропкі над “i”, каб адзін аднаго не папракаць, хто каго “корміць”. Мы адзіная дзяржава і павінны ўсё рабіць для таго, каб прынамсі, тры славянскіх народа былі ў адной дзяржаве. На Захадзе мы нікому не патрэбныя. Будзе знішчаная Расея, будуць знішчаныя Беларусь, Украіна і гэтак далей”.